Joze Mourinyo «Real» bosh murabbiyligiga qaytishi mumkinligi haqidagi muhokamalarga ayyorona munosabat bildirdi.
«Mening yaqin oradagi maqsadim — «Benfika»ni Chempionlar ligasiga olib chiqish», — deya Mourinyoning so‘zlarini keltiradi Goal portali Il Giornale nashriga tayanib.
Hozirda «Benfika» Portugaliya chempionati turnir jadvalida ikkinchi o‘rinda bormoqda. Mourinyo jamoasi peshqadam «Portu»dan yetti ochko orqada qolmoqda. Mavsum yakunigacha uchta tur qoldi.
Eslatib o‘tamiz, Joze Mourinyo avval ham (2010–2013 yillarda) uch mavsum davomida «Real»ni boshqargan. So‘nggi haftalarda matbuotda portugaliyalik mutaxassisning Madrid top-klubiga qaytishga tayyorligi haqida ko‘plab xabarlar tarqalgan edi.













