Belgiyaning "Bryugge" klubi darvozaboni Simon Minyole "PSJ" (0:1) klubiga qarshi uchrashuvda jamoasi mag‘lubiyatga loyiq emasligi haqida gapirdi.
"Mantiqan, bunday o‘yindan keyin mag‘lub bo‘lish g‘azablantiradi. Biz ko‘prog‘iga loyiq edik, lekin yakunda quruq qo‘l bilan qoldik. Xuddi Madridda “Real”ga qarshi o‘ynagandek, bugun ham yaxshi o‘yin namoyish etdik. Dunyoning yetakchi jamoalariga yetarlicha raqobat qila olishimizni isbotladik. Raqibga yetarlicha muammo tug‘dirishga erishdik. Biroq, yakunda mag‘lub bo‘ldik, garchi g‘alabaga loyiq o‘yin namoyish etgan bo‘lsakda. Har qanday umidsizlikka qaramasdan, bugungi o‘yinimiz bilan farxlanishimiz kerak. Avvallari Belgiya klublari yetakchi jamoalarga qarshi bunday mardonavor o‘yin namoyish etishgan deb o‘ylamayman. O‘ylaymanki, "PSJ" futbolchilari bugun qiyinchilikka duch kelishganini tan olsalar kerak", - dedi UEFA rasmiy saytiga.













