Belgiya terma jamoasi bosh murabbiyi Roberto Martines sobiq assistenti Tyerri AnriMLSda ish boshlaganidan xursandchiligini aytib o‘tdi.

Anri MLSdagi futbolchilik faoliyatida 135 ta uchrashuv o‘tkazib, 52 ta gol kiritishga erishgan. Avvalroq Anri Fransiyaning «Monako» klubi bosh murabbiyi sifatida faoliyat olib borib, 20 ta uchrashuvdan keyin iste’fo qilgan edi.

«Tyerri uchun juda xursandmiz. U MLSni juda yaxshi biladi. Anri u yerda bir nechta mavsumni o‘tkazdi. Hozir unda ijobiy natija ko‘rsatish uchun juda yaxshi imkoniyat bor. U mavsumoldi yig‘in o‘tkazish uchun ko‘proq vaqt ega. «Monako»da unda bunday imkoniyat bo‘lmagan edi. Belgiya terma jamoasi nomidan unga omad tilaymiz», — dedi Martines Sport24 bilan suhbatda