Falastin terma jamoasi bosh murabbiyi Nureddin Ali JCH-2022 saralashi doirasida O‘zbekistonga qarshi kechgan bahsdan so‘ng o‘tkazilgan matbuot anjumanida jurnalistlar savollariga javob berib o‘tdi.
O‘zbekiston terma jamoasini g‘alaba bilan tabriklayman. Raqib jamoaviy o‘yin tufayli g‘alaba qozondi. Afsuski jamoamiz tarkibida jarohatlanganlar bor edi. Ularning o‘rniga maydonga tushganlar yetarli darajada o‘yin namoyish eta olmadi.
O‘zbekiston terma jamoasiga qarshi o‘tkazgan avvalgi o‘yinimizdagi tarkib bilan hozirgisini taqqoslasak, ba’zi yetakchi o‘yinchilarimiz yo‘qligini ko‘rasiz. Aynan ular bizga yetishmadi. Shuningdek termamizga jamoaviy o‘yin ham yetishmadi. Shuning uchun mag‘lubiyatga uchradik.
Oxirgi o‘n daqiqa haqida gapirsak, O‘zbekiston 2:0 hisobida oldinda edi va tabiiyki biz hujum qilishimiz shart edi. Shuningdek zaxira almashtirishlarini amalga oshirdik, xususan, yarim himoyachi o‘rniga hujumchi tushirdik. Shu bilan birga O‘zbekiston terma jamoasi ham ikkita gol urib olgandan so‘ng ancha xotirjam harakat qila boshladi.
O‘zbekiston hamda Saudiya Arabistoni termas jamoalari haqida....
Bu ikki jamoa ikki xil o‘yin namoyish qiladi. O‘zbekiston terma jamoasi qanotlardan o‘ynaydi va asosiy uzatmalar 14-raqamli futbolchiga uzatiladi. Saudiya Arabistoni esa mayda paslar evaziga markazdan hujum qiladi. Men bugungi o‘yindan oldin futbolchilarimga 14-raqamdan extiyot bo‘lish kerakligini rosa tayinlagan edim. Ammo biz uddalay olmadik.
Faqat astoydil mehnat qilib muvaffaqiyatga erishish mumkin. Biz ishlashda davom etamiz.
