Rossiya terma jamoasi 2020 yili bo‘lib o‘tadigan Yevropa Chempionatiga yo‘l olgan bo‘lishiga qaramasdan, chempionatdan chetlatilishi mumkinligi haqida Daily Mail xabar tarqatdi.

Moskvadagi RUSADA laborotoriyasi tomonidan berilgan hujjatlar qalbakilashtirilganligi o‘z tasdig‘ini topadigan bo‘lsa, u holda Rossiya terma jamoasi Yevro-2020dan chetda qoladi.

Daily Mail nashrining tarqatgan ma’lumotiga qaraganda, 9 dekabr kuni WADA ijroiy qo‘mitasi RUSADA mustaqil qo‘mitasining tavsiyalarini ko‘rib chiqish uchun yig‘iladi. Yig‘ilishda RUSADA laborotoriyasining lisensiyasi bekor qilinishi kutilmoqda.

Agar Sport arbitrajsudi Rossiyaning appelyasiyasini ko‘rib chiqmasa va jazo qo‘llaydigan bo‘lsa, u holda nafaqat Rossiya terma jamoasi Yevropa Chempionatidan chetlashtiriladi, balki Rossiya Federasiyasining boshqa sport turlaridagi terma jamoalari Tokioda bo‘lib o‘tadigan Olimpiadava Paralimpiada o‘yinlaridan ham chetda qoladi.

Shuningdek, xabarda aytilishicha, Rossiyaning Sankt-Peterburg  shahridan ham Yevropa chempionati-2020 doirasida o‘tkazilishi kerak bo‘lgan o‘yinlar ham olib qo‘yiladi.