«Liverpul» klubi hujumchisi Sadio Mane professional sifatida jamoa bosh murabbiyi Yurgen Kloppga baho berdi.
— Uni «Liverpul»da qanchalik muvaffaqiyatli bo‘lganini tasvirlash qiyin. Klopp jamoa uchun nimalar qilganini barcha ko‘rmoqda.
— Yevropada yetakchi mutaxassislar ko‘p, ammo bizning murabbiyni jamoani boshqarish uchun to‘g‘ri so‘zlari va to‘g‘ri qarorlari bor. Asosiysi, u futbolchilar oldida o‘zini qanday tutishni biladi. Uning jamoaga ijobiy ta’sir ko‘rsatishida doim ishonardim. Klopp — dunyoning eng yaxshi murabbiyi.
— Bunday ajoyib futbolchilar bilan bir jamoada to‘p surish uchun omad deyishim mumkin. Ular hamma qiyinchiliklarni osonlantiradi, shuning uchun ular bilar birga maydonda bo‘lishni xohlayman. Bizning barchamiz turli xil davlatlardanmiz, tillarimiz ham turli xil, lekin futbolning tili bitta va bu universal til, — Manening so‘zlaridan iqtibos keltirmoqda «Liverpul» klubi matbuot xizmati.
