Angliya OAVsi tarqatgan ma’lumotlarga qaraganda, Londonning «Tottenxem» klubi bosh murabbiyi Joze Mourinyo joriy mavsumda qo‘shimcha 2 million funt ishlab olishi mumkin, agar «shporlar» kuchli to‘rtlikdan joy oladigan bo‘lsa.
Avvalroq, portugaliyalik mutaxassisning “Tottenxem” dagi yillik maoshi 15 million funt ekanligi haqida xabarlar tarqatilgan.
Ayni paytda «Tottenxem» 12 uchrashuvda 14 ochko jamg‘arib APLda 14-o‘rinni egallab turibdi.
«Tottenxem» yangi bosh murabbiy qo‘l ostida 23 noyabr kuni «Vest Xem» klubiga qarshi maydonga tushadi.