Yevropa chempionlar ligasining ushbu mavsumida "o‘lim guruhi" nomini olgan «F» guruhidan birinchi bo‘lib «Barselona» klubi pley-off yo‘llanmasini qo‘lga kiritdi.
Valverde shogirdlari Dortmundning "Borussiya"siga qarshi uchrashuvda katta ustunlikka erishib, raqibni o‘z jarima maydoni ichiga qamab qo‘yishdi. "Barsa" safida o‘zining 700-o‘yinida maydonga tushgan Lionel Messi bitta gol urdi va jamoasining qolgan 2ta goliga assistentlik qildi. Uning uzatmalarini Luis Suares va Antuan Grizmann golga aylantirishdi.
Hisob 3:0ga yetganidan keyin "ko‘k-anorranglilar" o‘yin tempini pasaytirishdi. Natijada dortmundliklar hujumchisi Sancho bitta gol muallifiga aylandi. Aynan ushbu futbolchining yana bir zarbasi to‘singa emas, to‘rga borib tushganida kataloniyaliklar uchun o‘yinning so‘nggi daqiqalari ancha asabiy o‘tishi mumkin edi.
Ushba g‘alabadan keyin "Barselona" o‘z ochkolarini 11taga yetkazib, muddatida oldin nafaqat pley-offga chiqdi, balki guruhda 1-o‘rin masalasini hal qildi.
"Inter" esa Chexiyada "Slaviya" klubi mehmoni bo‘lib, 3:1 hisobida g‘alaba qozondi. Natijada so‘nggi tur oldidan "neradzurri" va "Borussiya" hisobida 7tadan ochko mavjud. 6-turda "Inter" "Barselona"ni qabul qilsa, dortmundlik o‘z uylarida "Slaviya" bilan to‘qnash kelishadi.
Yevropa chempionlar ligasi
"F" guruhi, 5-tur
Barselona Ispaniya – Borussiya D Germaniya 3:1 (2:0, 1:1)
Gollar: 1:0 – 29 Suares, 2:0 – 33 Messi, 3:0 – 67 Grizmann, 3:1 – 77 Sancho.
Barselona – ter Stegen, Firpo, Serdji Roberto, Langle, Umtiti, de Yong, Buskets, Rakitich (Vidal, 78), Dembele (Grizmann, 26), Suares (Vage, 90), Messi.
Borussiya D – Byurki, Xakimi, Akanji, Pishchek (Zagadu, 76), Shuls (Sancho, 46), Vaygl (Getse, 85), Gerreyru, Brandt, Vitsel, Roys, Xummels.
Ogohlantirishlar: Messi (51), Buskets (71), Gerreyru (74).
Slaviya Chexiya – Inter Italiya 1:3 (1:1, 0:2)
Gollar: 0:1 – 19 Martines, 1:1 – 37, penalti Souchek, 1:2 – 81 Lukaku, 1:3 – 88 Martines.
Slaviya – Kolarj, Borjil, Fridrix (Takach, 84), Soufal, Kudela, Souchek, Gushbauer (Zeleni, 70), Shevchik, Stanchu (Traore, 58), Masopust, Olayinka.
Inter – Xandanovich, de Vrey, Godin, Shkrinyar, Biragi (Lazaro, 76), Vesino (Espozito, 80), Brozovich, Kandreva, Valero (Galyardini, 76), Martines, Lukaku.
Ogohlantirishlar: Vesino (12), Martines (24), Kudela (52).
| № | Jamoa | O‘yin | G‘ | D | Mag‘-t | T - N | Ochko |
|---|---|---|---|---|---|---|---|
| 1 | Barselona | 5 | 3 | 2 | 0 | 7-3 | 11 |
| 2 | Inter | 5 | 2 | 1 | 2 | 9-7 | 7 |
| 3 | Borussiya D | 5 | 2 | 1 | 2 | 6-7 | 7 |
| 4 | Slaviya | 5 | 0 | 2 | 3 | 3-8 | 2 |
