Ommabop portal hisoblangan Transfermarkt o‘z rasmiy saytida Kataloniyaning «Barselona» klubi hujumchisi Lionel Messining sahifasini o‘zgartirdi.
Gap shundaki, sayt Messining sahifasiga oltinchi “Oltin to‘p”ni joylashtirdi. Sayt talqiniga ko‘ra, Messining oltinchi “Oltin to‘p”i 2019 yil hisobidan kiritilgan.
32 yoshli Messi so‘nggi marta 2015 yili «Oltin to‘p»ni qo‘lga kiritgan edi.
«Oltin to‘p-2019»ni qo‘lga kiritish uchun 30 nafar futbolchi saralab olingan. G‘olib 2 dekabr kuni aniqlanadi.