Kataloniyaning «Barselona» klubi bosh murabbiyi Ernesto Valverde Messining “Borussiya” klubiga qarshi o‘yiniga yuqori baho berdi.

— Biz kuchli guruhdan joy olganmiz, mening fikrimcha pley-off bosqichiga muddatdan oldin chiqib bo‘ldik. Guruhda birinchi o‘rinni egallashimizga shubha qilmayman. Endi oldinga qarashda davom etishimiz kerak. Biz Messi va Grizmannlarning o‘zaro munosabatlari haqida ko‘p gapiryapmiz.  Yaxshi futbolchilar doim kelishib olishadi va vaqt o‘tgani sari bir birlarini yaxshiroq tushuna boshlashadi. Messi va Grizmannlarning munosabatlarini ko‘proq Leo va Suareslarning munosabatlari bilan taqqoslayman. Biroq, Suares Messi bilan 5 yildan beri birga. Messining bugungi o‘yini haqida hech narsa demayman — u ajoyib o‘yin ko‘rsatdim. Messi har doimgidek yuqori saviyada o‘ynadi, — dedi Valverde.