Londonning "Chelsi" klubi bosh murabbiyi Frenk Lempard "Valensiya" (2:2) klubiga qarshi uchrashuvdagi fikrlari bilan o‘rtoqlashdi.
"Sal bo‘lmasa g‘alaba qozonar edik yoki mag‘lub bo‘lar edik. Ochiq aytaman– bu yerda o‘ynash oson emas. Asosiysi, turnirdagi taqdirimiz o‘z qo‘limizda. Raqib jarima maydonchamiz atrofida ko‘p harakat qildi, biz himoyada mukammal o‘ynashimiz talab etildi. Biz bunday vaziyatlarda himoyada yanada ishonchli o‘ynashimiz kerak.
Vassning goli? Bu albatta tasodifan sodir bo‘ldi. Bundan vaziyatlarda darvozabonlarga qiyin bo‘ladi. To‘p darvozabon uchun balandga ketgandek tuyuldi. Bu vaziyatni yana bir bor ko‘rishimiz kerak, ammo, Kepa har doim o‘zini o‘zi juda keskin tanqid qiladi", - dedi LempardUYEFA rasmiy saytiga.