Dortmundning «Borussiya» klubi bosh murabbiyi Lyusyen Favr «Barselona» (1:3) klubiga qarshi uchrashuvdan keyin, Messini qanday to‘htatib qolish mumkinligi haqida gapirdi.
— Messi ajoyib o‘yin namoyish etdi, — deya tan oldi Favr. — U xotirjamlik bilan unga pas berishlarini kutdi va chiziqlar oralig‘ida yaxshi harakat qildi. Ammo, u to‘pni egallab olganida biz katta qiyinchilikka duch keldik. Messini to‘htatish uchun fol ishlatish kerak, boshqa yo‘l yo‘q. Aks holda uni to‘htatib qolishni ilojisi yo‘q.
— Messi maydon bo‘ylab juda tez harakat qiladi, uning dribling saviyasi juda yuqori, shuningdek u hujumni yakunlashda juda ham xavfli, - dedi dortmundliklar bosh murabbiyi.
