Shvesiya terma jamoasi sobiq hujumchisi Zlatan Ibragimovich futbolda irqchilikka qarshi qanday kurashish kerak ekanligi haqidagi fikrlari bilan o‘rtoqlashdi.
— «Irqchilik yo‘q» degan futbolka kiyib olish va shu shiorda bayroqlar ko‘tarib olishsa maqsadga muvofiq bo‘lardi, lekin bu bilan muammoni hal qilib bo‘lmaydi. Eng yaxshi yo‘li o‘yinni to‘htatib, klubdan uch ochko olib tashlash kerak. Shunday qilinsa quyi divizonga tushib ketish ehtimoli yuqori bo‘ladi va klublar ham irqchilikka qarshi ishlashni boshlashadi.
— Kurashish qiyin bo‘ladi. Odamlar tuzatib bo‘lmaydigan oqibatlarga duch kelishmagunicha, hech narsani tushunmaydilar. Italiyada o‘ynaganimda tribunadan menga nisbatan baqirishgan: «Lo‘li!». Bu ham irqchilikka kiradi, lekin ahamiyat bermas edim. O‘sha baqirganlarning aksariyati stadion tashqarisida men bilan birga suratga tushni so‘rashadi, — dedi Ibragimovich GQ Italy bilan suhbatda.
