Швеция терма жамоаси собиқ ҳужумчиси Златан Ибрагимович футболда ирқчиликка қарши қандай курашиш керак эканлиги ҳақидаги фикрлари билан ўртоқлашди.
— «Ирқчилик йўқ» деган футболка кийиб олиш ва шу шиорда байроқлар кўтариб олишса мақсадга мувофиқ бўларди, лекин бу билан муаммони ҳал қилиб бўлмайди. Энг яхши йўли ўйинни тўҳтатиб, клубдан уч очко олиб ташлаш керак. Шундай қилинса қуйи дивизонга тушиб кетиш эҳтимоли юқори бўлади ва клублар ҳам ирқчиликка қарши ишлашни бошлашади.
— Курашиш қийин бўлади. Одамлар тузатиб бўлмайдиган оқибатларга дуч келишмагунича, ҳеч нарсани тушунмайдилар. Италияда ўйнаганимда трибунадан менга нисбатан бақиришган: «Лўли!». Бу ҳам ирқчиликка киради, лекин аҳамият бермас эдим. Ўша бақирганларнинг аксарияти стадион ташқарисида мен билан бирга суратга тушни сўрашади, — деди Ибрагимович GQ Italy билан суҳбатда.
