Жозе Моуриньо келаси ёзда ҳужумчи Винисиус Жуниорни "Реал"дан сотиб юбормоқчи ёки текинга қўйиб юбормоқчи эмас. ESPN нашрининг маълумотларига кўра, португалиялик мутахассис, ОАВдаги миш-мишларга қарамай, жамоага тайинланган тақдирда бразилиялик футболчининг мадридликлар клубидан кетишини талаб қилмаган.
Форвардга яқин бўлган инсонлар клуб ичидан Моуриньо Винисиусга мураббийлик қилишдан мамнун бўлиши ва жамоага келишидан олдин футболчини жуда юқори баҳолаётгани ҳақида хабарлар олишган.
Винисиус Жуниор 2018 йилда "Фламенго"дан "Реал"га 45 миллион евро эвазига ўтган эди. Унинг "қаймоқранглилар" билан шартномаси 2027 йилнинг 30 июнига қадар мўлжалланган. Жорий мавсумда ҳужумчи Мадрид клуби сафида барча турнирларда 53 та учрашувда майдонга тушиб, 22 та гол урди ва 14 та голли узатмани амалга оширди.
