Angliyaning «Vest Xem» klubi yarim himoyachisi Pablo Fornals APL haqidagi tasurootlari bilan o‘rtoqlashdi.
«Bu ajoyib liga, ko‘pchilik APLning dunyodagi eng yaxshi liga deb ataydi, lekin buni o‘zingiz his qilmaguningizcha, siz haqiqatni anglamaysiz.
Barcha stadionlar muxlislar bilan to‘lgan bo‘ladi. Bizning ajoyib muxlislarimiz bor va bizni mamlakatning har bir joyida kuzatishadi. APLning shiddati va tezligi Ispaniya chempionatinikidan keskin farq qiladi va menga bu tajriba juda yoqadi».