Transfermarkt portali yaqin kunlarda Braziliya terma jamoasi va «PSJ» hujumchisi Neymarning narxini pasaytiradi, deya xabar tarqatdi «Chempionat».

Hozirda uning transfer bahosi 180 million yevro bo‘lib, narx o‘zgartirilganidan keyin Neymar 160 million yevroga teng bo‘ladi. Braziliyalik futbolchining narxi 2018 yilning 1 yanvaridan beri o‘zgarmay kelayotgan edi.

«Futbolchining klubni tark etish istagiga qaramay, hech kim uning uchun talab qilingan pulni to‘lashni istamadi. Bundan tashqari, ushbu mavsumda uning jarohatga moyilligini oshdi. Buning natijasida u bir necha oy davomida maydondan tashqarida qoldi. Bir nechta o‘yinlarda esa u boshqa o‘yinchilardan ajralib turmadi. Uni boshqa futbolchilar, masalan, Messi yoki Sterling bilan taqqoslaganda, u yaxshiroq ko‘rinmayapti. Shuning uchun biz uning narxini pasaytirishga qaror qildik», — dedi Transfermarkt eksperti Kristian Shvars.

Shu tariqa, Neymar jahonning eng qimmat futbolchilari ro‘yxatida o‘zi egallab turgan 2-o‘rinni boy beradi. Hozirgi kunda reytingni «PSJ» hujumchisi Kilian Mbappe boshqarmoqda – 200 million yevro.

Neymar ushbu mavsumda 11ta o‘yinda maydonga tushib, 8ta gol urdi va 5ta golga uzatma berdi.