Londonning "Tottenxem" klubi bosh murabbiyi Joze Mourinyo jamoaning transfer bozoridagi maqsadlarini aytib o‘tdi.
"Men "Tottenxem" klubining falsafasini, loyihasini va maqsadlarini bilaman.Transfer bozorida nima bo‘lishi mumkinligiga biz shunchaki munosabat bildiramiz.Agar qaysidir futbolchi jamoani tark etsa, biz bunga ko‘nikishimizga to‘g‘ri keladi.Ammo hech qachon transfer bozorining qiroliga aylanmaymiz, top saviyadagi tayyor futbolchilarni sotib olish uchun kurash olib bormaymiz.Biz aql bilan ish olib borishimiz kerak. Qaytarib aytaman, ayni paytdagi qo‘l ostimdagi futbolchilarimning barchasi yoqadi. Men ular bilan qancha ko‘p ishlasam, shuncha ularni yaxshi bilib boraveraman, kuchli va kuchsiz taraflarini aniqlab boraveraman. Qaytarib aytaman, menga vaqt kerak. Albatta o‘sha kun keladi. Lekin yaqin kunlar ichida emas.Biroq, yanvar-fevral oylarida jamoaning o‘yinlarini kuchaytirish uchun vaqt bo‘ladi", –Mourinyoning so‘zlaridan iqtibos keltirmoqda Goal.