Italiyalik jurnalist Fabrisio Romanoning tarqatgan ma’lumotiga qaraganda, Londonning «Tottenxem» klubi yarim himoyachisi Kristian Eriksen Italiyaning «Inter» klubiga o‘tishga yaqin turibdi.
Futbolchining agenti “Inter” klubi prezidenti bilan uchrashdi va transfer borasida muzokara olib bordi. Muzokara jarayonida futbolchini erkin agent sifatida qo‘lga kiritish yoki 20 million yevroga sotib olish borasida fikr almashilgan.
Eslatib o‘tamiz, Angliyaning «Manchester Yunayted» va Italiyaning «Yuventus» klublari ham 27 yoshli daniyalik futbolchini qo‘lga kiritish ilinjida yurishibdi.