Ispaniya chempionatining 21-turi doirasida «Atletiko» o‘z maydonida «Leganes»ni qabul qilib, 2 ochko yo‘qotdi.

Butun o‘yin davomida Simeone shogirdlari raqib darvozasini ishg‘ol qila olishmadi. Ular xavfli vaziyatni ko‘p yaratishmadi, ammo Korreaning zarbasidan keyin to‘p darvoza to‘siniga tegib qaytdi.

O‘yin qo‘shib berilgan daqiqalarda esa "Leganes" posboni o‘yin vaqtini cho‘zgani uchun ikkinchi sariq kartochkani olib, maydonni tark etdi. Qolgan 3-4 daqiqa davomida darvozani himoyachi qo‘riqlashiga to‘g‘ri keldi.

Ushbu durangdan keyin «Atletiko» 36 ochko bilan jadvalda 4-o‘rinni egallab turibdi.

Ispaniya La ligasi, 21-tur
Atletiko – Leganes 0:0 (0:0, 0:0)
Atletiko – Oblak, Vrsalko (Shaponich, 88), Felipe, Lodi, Savich, Saul, Lyorente (Vitolo, 46), Korrea (Errera, 62), Tomas, Joau Feliks, Morata.
Leganes – Kuelyar, Rosales, Bustinsa, Omeruo, Rodriges (Karrilyo, 78), Mesa, Resio, Avazyem, Eraso (Ruibal, 61), Silva, Breytueyt (Oskar Rodriges, 90).
Ogohlantirishlar: Avazyem (11), Eraso (54), Kuelyar (76), Mesa (89), Resio (90), Savich (90).
Chetlatish: Kuelyar (90+4).