Испания чемпионатининг 21-тури доирасида «Атлетико» ўз майдонида «Леганес»ни қабул қилиб, 2 очко йўқотди.

Бутун ўйин давомида Симеоне шогирдлари рақиб дарвозасини ишғол қила олишмади. Улар хавфли вазиятни кўп яратишмади, аммо Корреанинг зарбасидан кейин тўп дарвоза тўсинига тегиб қайтди.

Ўйин қўшиб берилган дақиқаларда эса "Леганес" посбони ўйин вақтини чўзгани учун иккинчи сариқ карточкани олиб, майдонни тарк этди. Қолган 3-4 дақиқа давомида дарвозани ҳимоячи қўриқлашига тўғри келди.

Ушбу дурангдан кейин «Атлетико» 36 очко билан жадвалда 4-ўринни эгаллаб турибди.

Испания Ла лигаси, 21-тур
Атлетико – Леганес 0:0 (0:0, 0:0)
Атлетико – Облак, Врсалько (Шапонич, 88), Фелипе, Лоди, Савич, Сауль, Льоренте (Витоло, 46), Корреа (Эррера, 62), Томас, Жоау Феликс, Мората.
Леганес – Куэльяр, Росалес, Бустинса, Омеруо, Родригес (Каррильо, 78), Меса, Ресио, Авазьем, Эрасо (Руибаль, 61), Сильва, Брэйтуэйт (Оскар Родригес, 90).
Огоҳлантиришлар: Авазьем (11), Эрасо (54), Куэльяр (76), Меса (89), Ресио (90), Савич (90).
Четлатиш: Куэльяр (90+4).