Rimning «Roma» klubi hujumchisi Edin Djeko «Sassuolo» (2:4) klubiga qarshi bo‘lib o‘tgan uchrashuvdan keyin jamoadoshlarini tanqid qildi.

— Birinchi bo‘limda jamoadoshlarimga menga ko‘proq to‘p uzatishlarini aytdim. Pressingdagi muammo shundaki, agar bitta futbolchi kechiksa, qo‘llagan tizim parchalanib ketadi. To‘g‘risini aytganda, “Roma” birinchi bo‘limda A Seriya saviyasida o‘ynamadi. O‘ylaymanki, endi biz juda yaxshi uslubda o‘ynashga harakat qilyapmiz, har doim to‘pga egalik qilishni xohlayapmiz, ammo, 2-3 futbolchi bunday darajada o‘ynay olmasa, bu muammolarga olib keladi. Ushbu uchrashuvda hech birimiz o‘zimizning odatiy saviyamizda o‘ynay olmadik. Keyingi hafta «Bolonya» klubiga qarshi bo‘ladigan o‘yinda 3 ochko olishimiz shart, bundan boshqa yo‘limiz yo‘q, —Djekoning so‘zlaridan iqtibos keltirmoqda DAZN.