Osiyo Chempionlar Ligasining guruh bosqichi 1-turidan o‘rin olgan «Paxtakor» – «Shabob Al-Axli» jamoalari o‘rtasidagi o‘yindan so‘ng mezbonlar ustozi Shota Arveladze o‘z fikrlarini bildirib o‘tdi.
"G‘alaba bilan barchani tabriklayman. Bu biz uchun mavsumdagi ochilish o‘yini edi va uni muvaffaqiyatli tugatdik. Bu muhim edi. Muxlislarga katta rahmat. Ular kuchli yomg‘ir ostida oxirigacha qo‘llab turishdi. Futbolchilarimga ham yomg‘irda qiyin bo‘lishiga qaramay yaxshi o‘ynashgani uchun katta rahmat aytaman. Darvoqe, suv polosini yomon o‘ynamas ekanmiz (kuladi). Barchaga yana bir bor minnatdorchilik bildiraman", -deydi Shota Arveladze.
