Осиё Чемпионлар Лигасининг гуруҳ босқичи 1-туридан ўрин олган «Пахтакор» – «Шабоб Ал-Ахли» жамоалари ўртасидаги ўйиндан сўнг мезбонлар устози Шота Арвеладзе ўз фикрларини билдириб ўтди.
"Ғалаба билан барчани табриклайман. Бу биз учун мавсумдаги очилиш ўйини эди ва уни муваффақиятли тугатдик. Бу муҳим эди. Мухлисларга катта раҳмат. Улар кучли ёмғир остида охиригача қўллаб туришди. Футболчиларимга ҳам ёмғирда қийин бўлишига қарамай яхши ўйнашгани учун катта раҳмат айтаман. Дарвоқе, сув полосини ёмон ўйнамас эканмиз (кулади). Барчага яна бир бор миннатдорчилик билдираман", -дейди Шота Арвеладзе.
