OCHL 2-turidan o‘rin olgan “Paxtakor” – “Shahr Xodro” (3:0) uchrashuvidan so‘ng mehmonlar ustozi Stefano Kuzin ishtirok etdi.

– Birinchi bo‘limni yaxshi o‘tkazdik. 3ta imkoniyatdan foydalana olmadik. Agar birinchi gol ura olganimizda, o‘yin natijasi umuman boshqacha bo‘lardi. Ikkinchi taymni ham yaxshi boshladik, 1-goldan so‘ng yigitlarning ruhiyati tushib ketdi va qarshi hujumlarda jazolandik. Ammo futbolchilarim ko‘rsatgan o‘yindan faxrlanaman.

– Hisob 2:0 bo‘lganidan so‘ng o‘ng qanot himoyachisini almashtirdingiz. Bu hisobni yiriklashib ketmasligini oldini olishmidi yoki qandaydir boshqa rejangiz bormidi?

– Bu o‘yin natijasini o‘zgartirish uchun emas, uchrashuv shunday ko‘rinish olgani uchun bo‘lgan almashtirish edi.  O‘tkazib yuborilgan gollardi uning aybi yo‘q.

– Bugungi o‘yinni boshqarib borgan hakamlar haqida qanday fikrdasiz? 

– Ularning xatti-harakatlaridan ko‘nglim to‘lmadi, bir qancha xatoliklarga yo‘l qo‘yishdi. Agar ular penalti belgilashganda o‘yinning natijasi butkul boshqacha bo‘lishi mumkin edi.

– Safingizda ukrainalik legioner bor, biroq deyarli uni maydonga tushirmayapsiz...

– Bu futbolchini o‘ynatmoqchi edik. Lekin «Paxtakor»dek jamoaga qarshi 2ta markaziy hujumchi bilan o‘ynay olmasdik. Ularning himoyasida baland boylik himoyachilar mavjud edi.

– "Paxtakor" va "Al Hilol"ga qarshi o‘ynadinglar ikki jamoa haqida qanday fikrdasiz?

– «Al-Hilol» – Osiyoning eng kuchli jamoasi. «Paxtakor» esa yangi futbolchilarni o‘z safiga qo‘shib olib, shakllanib borayotgan jamoa. "Paxtakor" haqida bir narsa deya olmayman. Ular uchun mavsum endi boshlandi. Bu klub haqida 1 oydan so‘ng xulosa chiqarsa bo‘ladi.

Biz italiyalik murabbiylarda bir gap bor: g‘alaba qozonamiz yoki o‘rganamiz. Bugun biz o‘rgandik. Jamoamiz birinchi bor OCHLda qatnashayotganini ham e’tiborga olish kerak.