ОЧЛ 2-туридан ўрин олган “Пахтакор” – “Шаҳр Ходро” (3:0) учрашувидан сўнг меҳмонлар устози Стефано Кузин иштирок этди.

– Биринчи бўлимни яхши ўтказдик. 3та имкониятдан фойдалана олмадик. Агар биринчи гол ура олганимизда, ўйин натижаси умуман бошқача бўларди. Иккинчи таймни ҳам яхши бошладик, 1-голдан сўнг йигитларнинг руҳияти тушиб кетди ва қарши ҳужумларда жазоландик. Аммо футболчиларим кўрсатган ўйиндан фахрланаман.

– Ҳисоб 2:0 бўлганидан сўнг ўнг қанот ҳимоячисини алмаштирдингиз. Бу ҳисобни йириклашиб кетмаслигини олдини олишмиди ёки қандайдир бошқа режангиз бормиди?

– Бу ўйин натижасини ўзгартириш учун эмас, учрашув шундай кўриниш олгани учун бўлган алмаштириш эди.  Ўтказиб юборилган голларди унинг айби йўқ.

– Бугунги ўйинни бошқариб борган ҳакамлар ҳақида қандай фикрдасиз? 

– Уларнинг хатти-ҳаракатларидан кўнглим тўлмади, бир қанча хатоликларга йўл қўйишди. Агар улар пенальти белгилашганда ўйиннинг натижаси буткул бошқача бўлиши мумкин эди.

– Сафингизда украиналик легионер бор, бироқ деярли уни майдонга туширмаяпсиз...

– Бу футболчини ўйнатмоқчи эдик. Лекин «Пахтакор»дек жамоага қарши 2та марказий ҳужумчи билан ўйнай олмасдик. Уларнинг ҳимоясида баланд бойлик ҳимоячилар мавжуд эди.

– "Пахтакор" ва "Ал Ҳилол"га қарши ўйнадинглар икки жамоа ҳақида қандай фикрдасиз?

– «Ал-Ҳилол» – Осиёнинг энг кучли жамоаси. «Пахтакор» эса янги футболчиларни ўз сафига қўшиб олиб, шаклланиб бораётган жамоа. "Пахтакор" ҳақида бир нарса дея олмайман. Улар учун мавсум энди бошланди. Бу клуб ҳақида 1 ойдан сўнг хулоса чиқарса бўлади.

Биз италиялик мураббийларда бир гап бор: ғалаба қозонамиз ёки ўрганамиз. Бугун биз ўргандик. Жамоамиз биринчи бор ОЧЛда қатнашаётганини ҳам эътиборга олиш керак.