«Manchester Siti» bosh murabbiyi Pep Gvardiola Angliya chempionatining 26-turi doirasida «Vest Xem»ga qarshi bo‘lib o‘tgan o‘yin (2:0)dan keyin o‘zining kelajagi haqida fikr bildirib o‘tdi.

«Hali hammasi tamom degani emas. UYEFAning qarorini adolatsizlik deb hisoblaymiz. Shuning uchun apellyasiya beramiz.

Biz faqat maydonga chiqamiz va 4 yildan beri qilayotgan ishimizni bajaramiz. Men klubga yuz foiz ishonaman. Menga barchasini tushuntirishdi.

Har bir o‘yinda kurash olib boramiz. Vaziyatga optimistik ruh bilan qarayapmiz. Umid qilamiz, adolat tantana qiladi va biz kelasi mavsumda chempionlar ligasida ishtirok etamiz.

Agar meni iste’foga chiqarmasa, jamoada yuz foiz qolaman. Birinchidan, o‘zim klubda qolishni istayman. Bu shartnomadan ko‘ra yuqoriroq narsa. Avval ham aytganman va yana takrorlayman, men jamoada qolib, bu bosqichni klubni qo‘llab-quvvatlashni xohlayman.

Bizni quyi divizionga tushirib yuborishsa ham klubda qolamanmi? Nima uchun ketishim kerak? Men bu jamoani yaxshi ko‘raman. Har qanday holatda ham bu jamoada qolaman», – dedi Gvardiola.