Italiyaning «Atalanta» klubi bosh murabbiyi Djan Pyero Gasperini «Valensiya» klubi ustidan qozonilgan g‘alaba haqidagi fikrlari bilan o‘rtoqlashdi.
«Atalanta» YECHLning 1/8 final dastlabki uchrashuvida o‘z maydonida Ispaniyaning «Valensiya» klubini qabul qildi va 4:1 hisobida mag‘lubiyatga uchratdi. Ushbu jamoalarning javob uchrashuvi 11 mart kuni bo‘lib o‘tadi.
«Ajoyib natija. Juda yaxshi o‘ynadik, yanada ko‘p gol kiritishimiz mumkin edi. Albatta, uch gol farqi bilan g‘alaba qozonish yaxshi natija. So‘nggi daqiqalarda ehtiyotkorlik bilan harakat qilishimiz kerak edi, shunda ularning gol kiritishiga yo‘l qo‘ymagan bo‘lardik.
Asabiylashmasligim uchun «Mestalye»da bo‘lib o‘tadigan javob uchrashuvida gol kiritishimizni xohlayman. Hozir xursand bo‘lishga erta, uch haftadan keyin bayram qilishni xohlaymiz», - Gasperinining so‘zlaridan iqtibos keltirmoqdaUYEFA matbuot xizmati.