Италиянинг «Аталанта» клуби бош мураббийи Джан Пьеро Гасперини «Валенсия» клуби устидан қозонилган ғалаба ҳақидаги фикрлари билан ўртоқлашди.
«Аталанта» ЕЧЛнинг 1/8 финал дастлабки учрашувида ўз майдонида Испаниянинг «Валенсия» клубини қабул қилди ва 4:1 ҳисобида мағлубиятга учратди. Ушбу жамоаларнинг жавоб учрашуви 11 март куни бўлиб ўтади.
«Ажойиб натижа. Жуда яхши ўйнадик, янада кўп гол киритишимиз мумкин эди. Албатта, уч гол фарқи билан ғалаба қозониш яхши натижа. Сўнгги дақиқаларда эҳтиёткорлик билан ҳаракат қилишимиз керак эди, шунда уларнинг гол киритишига йўл қўймаган бўлардик.
Асабийлашмаслигим учун «Месталье»да бўлиб ўтадиган жавоб учрашувида гол киритишимизни хоҳлайман. Ҳозир хурсанд бўлишга эрта, уч ҳафтадан кейин байрам қилишни хоҳлаймиз», - Гасперинининг сўзларидан иқтибос келтирмоқдаУЕФА матбуот хизмати.