Italiyaning «Inter» klubi futbolchisi Matias Vesino Yevropa Ligasining 1/16 finalida «Ludogors» (2:0) ustidan qozonilgan g‘alaba haqida fikrlari bilan o‘rtoqlashdi.
«Tanaffusdan keyin o‘ynimizni o‘zgartirib, raqib darvozasini ikki bor ishg‘ol etishga muvaffaq bo‘ldik. Jamoamiz Razgrad shahriga g‘alaba qozonish uchun tashrif buyurgandi. Ikkinchi uchrashuvda ham bugungidek futbol namoyish etishimiz kerak.
Endi bizning maqsadimiz A Seriya o‘yinida g‘olib chiqish bo‘ladi, chunki so‘nggi turlardagi mag‘lubiyatlar ruhiy ahvolimizga ta’sir ko‘rsatgandi. Chempionatda g‘alaba qozonishda davom etishni xohlaymiz», — dedi Matias Vesino.
«Neradzurilar»ning A Seriyadagi keyingi raqibi «Sampdoriya» klubi bo‘ladi.
