Paradzyudo bo‘yicha O‘zbekiston terma jamoasi Tbilisida bo‘lib o‘tgan Jahon kubogida muvoffaqiyatli ishtirok etdi.
Musobaqaning dastlabki kunida 4 ta medalni qo‘lga kiritgan paradzyudochilarimiz, bugungi bellashuvlarda yana 3 ta medalga sazovor bo‘lishdi.
Hamyurtimiz Shirin Sharipov +100 kg vazn toifasida barcha raqiblarini mag‘lub etgan holda shohsupaning yeng yuqori o‘rnidan joy olgan bo‘lsa, Dovurxon Karamatov hamda Sharif Xalilov musobaqaning bronza medaligini qo‘lga kiritdi.
Yakunda 2 ta oltin, 1 ta kumush va 4 ta bronza medallarini qo‘lga kiritgan O‘zbekiston terma jamoasi umumjamoa hisobida 1-o‘rinni qo‘lga kiritdi.
Paradzyudo bo‘yicha IBSA Jahon kubogi, Tbilisi, Gruziya
-66 kg | Uchqun Quranboyev – oltin medal
100 kg | Sharipov Shirin – oltin medal
-60 kg | Sherzod Namozov – kumush medal
-66 kg | O‘tkir Nigmatov – bronza medal
-73 kg | Feruz Saidov – bronza medal
-81 kg | Dovurxon Karamatov – bronza medal
-100 kg | Xalilov Sharif – bronza medal
