FIFA 2022 yili Qatarda bo‘lib o‘tadigan jahon chempionatida ishtirok etishga da’vogar hakamlar ro‘yxatini e’lon qildi. Bu galgi ro‘yxatdan o‘zbekistonlik hakamlar o‘rin olishmadi.
O‘tgan yilning yozida e’lon qilingan kengaytirilgan ro‘yxatga Ravshan Ermatovning guruhi nomzod sifatida kiritilgan edi. Ammo hamyurtimiz hakamlik faoliyatini yakunlaganidan so‘ng u nomzodlar safidan chiqib ketdi.
Osiyodan 8 nafar referi da’vogarlar safidan o‘in olgan:
1. Kristofer Bit (Avstraliya, 1984)
2. Navaf Shukrulloh (Bahrayn, 1976)
3. Ma Ning (Xitoy, 1979)
4. Alirizo Fag‘oniy (Eron, 1978)
5. Ryudzi Sato (Yaponiya, 1977)
6. Adham Mahadma (Iordaniya, 1986)
7. Abdulrahmon al-Jassim (Qatar, 1987)
8. Muhammad Abdulla (Birlashgan Arab Amirliklari, 1978)
Shuningdek, Qatar-2022da rossiyalik hakamlar ham ishtirok etmaydigan bo‘lishdi.













