Angliya chempionatining 29-turidan o‘rin olgan so‘nggi uchrashuv bo‘lib o‘tdi. «Lester» o‘z uyida «Aston Villa»ni qabul qilib (4:0), yirik hisobda g‘alaba qozondi.

Birinchi bo‘lim tugashiga 5 daqiqa qolganida "tulkilar"  Xarvi Barnsning goli evaziga hisobni ochishdi. Ikkinchi bo‘lim o‘rtalarida esa Jeymi Vardi raqib darvozasiga 2ta to‘p yo‘llagan bo‘lsa, bahs tugashiga 5 daqiqa qolganida yana o‘sha Barns yana bitta gol urib, Vardi kabi "dubl"ni rasmiylashtirdi.

Ushbu g‘alabadan keyin "Lester" o‘z ochkolarini 53taga yetkazib, 4-o‘rindagi "Chelsi" bilan 5 ochkolik tafovutni saqlab qoldi.

Angliya premyer-ligasi, 29-tur
Lester – Aston Villa 4:0 (1:0, 3:0)
Gollar: 1:0 – 40 Barns, 2:0 – 63, penalti Vardi, 3:0 – 79 Vardi, 4:0 – 85 Barns.
Lester – Shmeyxel, Rikardu Pereyra, Evans, Seyundjyu, Djastin, Ndidi (Mendi, 83), Olbrayton, Prat (Tilemans, 76), Meddison, Barns, Ixeanacho (Vardi, 59).
Aston Villa – Reyna, Gilber, Engels, Mingz, Targett, Nakamba, Al-Muxammadi (El-Gazi, 63), Duglas Luis, Xurixeyn (Devis, 67), Grilish, Samatta.
Ogohlantirishlar: Xurixeyn (43), Prat (71), Evans (76).