«Bavariya» muxlislari Chempionlar ligasi chorak finalidan o‘rin olgan javob uchrashuvi oldidan Madridning «Real» klubi futbolchilarining uyqusini buzishga harakat qilishdi.
Bugun Myunxenda jamoalarning o‘zaro bahsi bo‘lib o‘tadi. El Chiringuito nashri tarqatgan ma’lumotlarga ko‘ra, nemis grandi ishqibozlari «qaymoqranglilar» to‘xtagan mehmonxonani aniqlab olishgan va o‘yin oldidan tunda futbolchilarga uxlashga yo‘l qo‘ymaslik uchun mehmonxona yaqinida feyerverklar otishni boshlashgan.
«Bavariya» va «Real» o‘rtasidagi o‘yin Toshkent vaqti bilan soat 00:00 da boshlanadi. Dastlabki bahsda Vensan Kompani jamoasi Madridda 2:1 hisobida zafar quchgan edi. Yarim finalda ushbu juftlik g‘olibini allaqachon «Liverpul»ni musobaqadan chiqarib yuborgan «PSJ» kutmoqda.
