Britaniyaning The Telegraph nashri Angliya premyer-ligasining ushbu mavsumidagi eng yaxshi futbolchilar reytingining so‘nggi qismini e’lon qildi. Bu galgi ro‘yxatda eng kuchli 10 nafar o‘yinchi reytingi keltirildi.

Reyting "Opta Sports"ning statistik ma’lumotlari va "The Telegraph" o‘zi ishlab chiqqan model yordamida tuzildi. Bunda futbolchilarning «hujumdagi o‘yini», «uzatma orqali o‘yin», «himoyadagi o‘yini» kabi ko‘rsatkichlari inobatga olindi.

"Manchester Siti" yarim himoyachisi Keain De Bryuyne APLning ushbu mavsumdagi eng yaxshi o‘yinchisi deb topildi. Ikkinchi o‘rinni esa "Liverpul" sardori Xenderson egallagan bo‘lsa, mersisaydliklarning yana bir a’zosi Trent Aleksander-Arnold kuchli uchlikka kirdi.

Umuman olganda, top-10dan "Liverpul"ning 5 nafar a’zosi o‘rin oldi.

APL. Ushbu mavsumdagi eng yaxshi futbolchilari (top-10):

1. Kevin de Bryuyne («Manchester Siti»).
2. Jordan Xenderson («Liverpul»)
3. Trent Aleksander-Arnold («Liverpul»)
4. Jek Grilish («Aston Villa»)
5. Sadyo Mane («Liverpul»)
6. Serxio Aguero («Manchester Siti»)
7. Muhammad Saloh («Liverpul»)
8. Virjil van Deyk («Liverpul»)
9. Jeymi Vardi («Lester»)
10. Riyod Mahrez («Manchester Siti»)

Avvalroq "The Telegraph" reytingni ikki bo‘lib, 11-30-o‘rinlar va 31-50-o‘rinlar ko‘rinishida e’lon qilgan edi.