Fransiya terma jamoasining yangi bosh murabbiyi Zinedin Zidan milliy terma jamoada yosh yarim himoyachilarni rivojlantirishga asosiy e’tiborni qaratishga qaror qildi.

Touchline xabariga ko‘ra, Zidan «uchranglilar»ning Jahon chempionatidagi muvaffaqiyatsizligiga asosiy sabab maydon markazida ustunlikning umuman bo‘lmagani deb hisoblaydi. Zinedin milliy terma jamoaning yarim himoya chizig‘ida haqiqiy inqilob qilishni maqsad qilgan. Yangi murabbiyga yaqin manbalarning ta’kidlashicha, u maydon markazida ko‘proq kreativlik va to‘pni nazorat qilish zarurligiga to‘liq ishonadi.

Eslatib o‘tamiz, Zinedin Zidan Fransiya terma jamoasi bilan 2030 yilgi Jahon chempionati yakuniga qadar mo‘ljallangan shartnomaga imzo chekdi. Bungacha uning oxirgi ish joyi Madridning «Real» klubi bo‘lib, u yerdan 2021 yilda ketgan edi.