CIES Football Observatory tahlil markazi koronavirus pandemiyasi tufayli futbolchilarning transfer narxlari keskin tushib ketishi haqida ma’lumot tarqatgan edi.

Agar iyun oyi oxirigacha klublar hech qanday o‘yin o‘tkazishmasa va futbolchilar bilan shartnomalarni uzaytirilmasa, Yevropaning kuchli beshlik chempionatlarida faoliyat yuritayotgan o‘yinchilarning narxlari o‘rtacha 28 foizga tushib ketadi.

Bunday pasayish tufayli tarkibi eng ko‘p arzonlaydigan jamoa «Manchester Siti» bo‘ladi. Iyun oyi so‘nggiga kelib "shaharliklar" futbolchilarning narxi borasida 412 million yevro yo‘qotishga uchraydi.

Bu borada keyingi o‘rinlarda "Barselona", "Liverpul" va "Real" klublari bo‘ladi.

Tarkibi eng ko‘p arzonlashadigan klublar. Top-10:

1. «Manchester Siti» – 412 mln yevro

2. «Barselona» – 366 mln

3. «Liverpul» – 353 mln

4. «Real» – 350 mln

5. «PSJ» – 302 mln

6. «Manchester Yunayted» – 293 mln

7. «Inter» – 276 mln

8. «Bavariya» – 267 mln

9. «Chelsi» – 251 mln

10. «Tottenxem» – 227 mln.