Belarus chempionati 3-turi doirasidagi "Energetik-BGU" – "Minsk" uchrashuvi bo‘lib o‘tdi. Mazkur bahsda maydon egalari 2:0 hisobida g‘alaba qozonishdi.
O‘yin hujumkor tarzda boshlandi. O‘yinning 21-daqiqasida mezbonlar futbolchisi Nosko hisobni ochishga erishdi. Birinchi bo‘limda "studentlar" safida Jasur Yaxshiboyev yaqqol ajralib turdi. Vladimir Belyavskogo jamoasida bir qator imkoniyatlar bo‘ldi, biroq ilk bo‘limda boshqa gol urilmadi.
Ikkinchi bo‘lim ham maydon egalari ustunligida o‘tdi. O‘yinning 75-daqiqasida zaxiradan yana bir hamyurtimiz Shahboz Umarov Atemengni o‘rniga tushirildi.
84-daqiqada Umarovda gol urish uchun qulay imkoniyat bo‘lgandi, biroq raqib posboni ajoyib seyv amalga oshirib, jamoasini qutqardi.
Oradan 6 daqiqa o‘tib, Yaxshiboyev Sokolning uzatmasidan so‘ng darvozabon bilan yakkama-yakka vaziyatga chiqib bordi va hisobni yana bittaga oshirib qo‘ydi.
Mazur g‘alabadan so‘ng, "Energetik-BGU" ochkolari sonini 9taga yetkazib, yakka peshqadamga aylanib oldi.
Belarus chempionati, 3-tur
Energetik-BGU – Minsk 2:0 (1:0, 1:0)
Gollar: 1:0 – 21 Nosko, 2:0 – 90 Yaxshiboyev.
Energetik-BGU – Sadovskiy, Sokol, Shkurdyuk, Svirepa, Mavatu, Nosko, Yaxshiboyev, Girs (Yudchis, 46), Tve, Musaxanyan, Atemeng (Umarov, 75).
Minsk – Leonov, Zaleskiy, Prishepa (Vasilyev, 77), Chagoves, Nasibulin, Shramchenko, Vasilyev (Ostroux, 36), Yaroskiy, Sazonchik, Xvashinskiy, Gribovskiy.
Ogohlantirishlar: Musaxanyan (25), Sazonchik (37), Svirepa (45), Tve (48), Atemeng (66), Sadovskiy (89).
Chetlatish: Musaxanyan (70).
