«Bavariya» klubi va Gollandiya terma jamoasi sobiq yarim himoyachisi Aryen Robben xotini Bernadyen koronavirusga chalinganini tan oldi.

«Eng yomoni, xotinim ko‘krak qismida og‘riq his qildi va qiyinchilik bilan nafas oldi. Bu juda yomon hissiyot. Shuningdek, bu holat qancha vaqt davom etishiga ahamiyat qaratish kerak. Bir-ikki kunda yaxshi bo‘lib qolmaysan. Barchasi o‘tib ketganidan xursandman.

Baxtimizga, qadrdon do‘stlarimiz bu lahzada bizga yordam berishdi. Albatta, bu paytda senga ko‘chaga chiqish mumkin emas. Senga kerakli narsalarni eshik tagida qoldirishadi va bir qancha vaqt o‘tganidan keyin sen ularni uy olib kirasan. Bundan tashqari, bizning itimiz bor. Do‘stlarimiz uni ko‘chada aylantirishdi.

Yaxshiyamki, barchasi nazorat ostida edi. Haqiqatan ham uning ahvoli yaxshi emasdi. Baxtimizga, u topshirgan keyingi testi salbiy natija berdi. Hozir u o‘zini yaxshi his qilyapti», — dedi Robben "Bild" nashriga bergan intervyusida.