Britaniyaning "Sky Sports" statistik ma’lumotlar asosida Angliya premyer-ligasining ushbu mavsumidagi ramziy jamoasini e’lon qildi. Tarkib "Power Rankings" ma’lumotlari asosida tanlandi.
Futbolchilar tomonidan 2019/2020 yilgi mavsumda 34ta ko‘rsatkich bo‘yicha qayd etilgan natijalar ko‘rib chiqildi. Masalan, urilgan gol, g‘alaba qozonilgan uchrashuv futbolchi hisobiga ball keltirsa, yo‘qotilgan to‘p, aniq amalga oshirilmagan penalti tufayli ball ayriladi.
Hisob-kitoblar natijasida APL ramziy jamoasi quyidagicha ko‘rinishda bo‘ldi (4-3-3):
Darvozabon: Kasper Shmeyxel («Lester»)
Himoyachilar: Trent-Aleksandr Arnold («Liverpul»), Virjil van Deyk («Liverpul»), Jeyms Tarkovski («Bernli»), Endryu Robertson («Liverpul»)
Yarim himoyachilar: Kevin De Breyne («Manchester Siti»), Jeyms Meddison («Lester»), Jek Grilish («Aston Villa»)
Hujumchilar: Sadio Mane, Muhammad Saloh (ikkisi — «Liverpul»), Raul Ximenes («Vulverxempton»).
Ushbu jamoada eng yuqori ballni Kevin De Breyne to‘plagan (62,353) bo‘lsa, eng past ball Roberstonga tegishli bo‘ldi (45,595).
