Британиянинг "Sky Sports" статистик маълумотлар асосида Англия премьер-лигасининг ушбу мавсумидаги рамзий жамоасини эълон қилди. Таркиб "Power Rankings" маълумотлари асосида танланди.

Футболчилар томонидан 2019/2020 йилги мавсумда 34та кўрсаткич бўйича қайд этилган натижалар кўриб чиқилди. Масалан, урилган гол, ғалаба қозонилган учрашув футболчи ҳисобига балл келтирса, йўқотилган тўп, аниқ амалга оширилмаган пенальти туфайли балл айрилади.

Ҳисоб-китоблар натижасида АПЛ рамзий жамоаси қуйидагича кўринишда бўлди (4-3-3):

Дарвозабон: Каспер Шмейхель («Лестер»)

Ҳимоячилар: Трент-Александр Арнольд («Ливерпуль»), Виржил ван Дейк («Ливерпуль»), Жеймс Тарковски («Бернли»), Эндрю Робертсон («Ливерпуль»)

Ярим ҳимоячилар: Кевин Де Брейне («Манчестер Сити»), Жеймс Мэддисон («Лестер»), Жек Грилиш («Астон Вилла»)

Ҳужумчилар: Садио Мане, Муҳаммад Салоҳ (иккиси — «Ливерпуль»), Рауль Хименес («Вулверхэмптон»).

Ушбу жамоада энг юқори баллни Кевин Де Брейне тўплаган (62,353) бўлса, энг паст балл Роберстонга тегишли бўлди (45,595).