Italiyaning «Sampdoriya» klubi bosh murabbiyi Klaudio Ranyeri koronavirusga chalingan jamoaning har bir futbolchisi hozirgi kunga kelib infeksiyaning hech qanday alomatlari qolmaganini aytib o‘tdi.
— Ushbu kasallikka chalingan barcha futbolchilarimiz tuzalib ketishdi. Ushbu infeksiyani yuqtirib olganliklarini bilish juda og‘ir edi, ammo, Yaratganga shukurki, hozirgi kunga kelib barchasi joyida. Men o‘sha futbolchilar bilan vaqti-vaqti bilan gaplashib turdim, ular jangovor ruhda edilar, — Ranyerining so‘zlaridan iqtibos keltirmoqda Football Italia.
