UEFA prezidenti Aleksandr Cheferin Yevropada mavsumni yakunlash yuzasidan o‘z fikrini bildirib o‘tdi.

"Ustuvor maqsadimiz — muxlislar, o‘yinchilar va klub xodimlarining sog‘lig‘i. Vaziyatga optimizm bilan qarayapman. O‘ylashimcha, tez orada ba’zi milliy chempionatlar boshlanadi. Katta ehtimol bilan uchrashuvlar tomoshabinlarsiz o‘tkaziladi. Lekin muhimi  — o‘yinlarning o‘tkazilishi.

Hozir sog‘liqni saqlash tashkilotlarining qarorlarini kutyapmiz. Hozircha mavsum oxiriga yetkazilmaydi, deb gapirishga haddan tashqari erta. Bunday vaziyat klublar va ligalarga jiddiy zarba beradi.

Chempionlar ligasi va Yevropa ligasi final uchrashuvlarini o‘tkazish uchun dedlayn belgilab olmadik. Hammasi mavsumni qayta boshlash uchun qachon ruxsat olishimizga bog‘liq. Bundan tashqari, ushbu mavsum sentyabr-oktyabr oyigacha cho‘zilishi mumkin deb o‘ylamayman. Aks holda kelasi mavsum taqvimini tuzish qiyin bo‘ladi", – dedi Cheferin "Corriere della Sera"ga bergan intervyusida.