Yillar o‘tgani sayin futbol klublarining logotiplari ham o‘zgarib borishi tabiiy xol. Bugun APL grandlarining logotiplar Evolyusiyasi bilan tanishtirib o‘tamiz.

“Arsenal”

“Kononirlar”ning ilk logotipi 1888-yilda ommaga namoyish etilgan bo‘lib, unda uchta zambarak aks etgan edi.

“Arsenal” 1927, 1930, 1932, 1936, 1950, 1952-yillardagi logotiplardan faqat Liga Kubogi musobaqasida foydalangan xolos. “To‘pchilar” 1949-yildagi logotiplariga yillar davomida zeb berib kelishmoqda.

“Chelsi”

“Aristokrtatlar”ning ilk logotiplarida turli-tuman medallarni taqib olgan nafaqadagi inson aks etgan. Oq-qora ranglarda chizilgan emblema yillar davomida o‘zgarib bordi. 2005-yilda o‘zining bir asrlik to‘yini nishonlagan klub logosida Angliyaning ramzi bo‘lgan atirgul ham paydo bo‘lgani e’tiborga molik.

“Liverpul”

“Liverpul” jamoasining ilk gerbi shaxar gerbi bilan bir hil. E’tiborlisi shundaki, jamoa logotipida o‘ylab topilgan qush – Layver o‘z o‘rnini yo‘qotmay kelmoqda.

Faqat 1993-yildagina jamoa klub ramzi bo‘lgan Layverning o‘rnini klub madxiyasidagi so‘zlardan iqtibos: “Sen hech qachon yolg‘iz qolmaysan” keltirib o‘tgan.

“Manchester Yunayted”

“Qizil iblislar”ning ham ilk gerblari Manchester shaxriniki bilan bir hil ko‘rinish olgan. Bugungi kunda Manchester shaxri ramzi va “qizil iblislar” logosi ham tamomila o‘zgacha ko‘rinishda.

Jamoa ilk bor tashkil etilganidan – “Nyutun Xit” nomi bilan katta futbolga kirib kelgan. Ushbu jamoaning ilk logosida inson tasviri mavjud.

Shunindek, jamoa 1958-yilda “Bolton”ga qarshi uchrashuvda kuldan qayta yaraluvchi qaqnus qushining tasviri tushurilgan logotipda harakat qilgan. Bu Myunhen fojeasida qurbon bo‘lgan futbolchilarni xotirlash maqsadida amalga oshirilgan o‘ziga hos “chekinish” edi.

“Manchester Siti”

“Shaxarliklar”ning logotiplariga e’tibor qarating. Ular ham o‘z vaqtida “Manchester Yunayted” singari shaxar gerbidan 2011-yilga qadar logotip sifatida foydalanishganiga guvoh bo‘lasiz.

Klubning “Avliyo Mark” nomidagi ibodatxonalar uyushmasi tashkil etgani bois, uning ilk logosida xoj surati tushirilgan.

“Tottenhem”

Londonning yana bir jamoasi Tottenhem ham o‘ziga hos tarixga ega klub.

Qolgan klublardan farqli o‘laroq bu jamoa o‘z logosini bir asrdan ortiq muddat katta o‘zgarishlarsiz saqlab kelmoqda.