Huquqiy jihatdan Turinning «Yuventus» klubiga tegishli bo‘lgan, ayni paytda faoliyatini ijara asosida "Jenoa" klubida davom ettirayotgan darvozabon Mattia Perin o‘zining futboldagi maqsadlari haqida fikr bildirdi.
“Agar Italiya terma jamoasida muntazam ravishda asosiy tarkibga nomzod bo‘lmaganimda, allaqachon faoliyatimni yakunlagan bo‘lardim. Terma jamoada o‘ynash – mening eng katta maqsadim”.
“Meni olov tark etgan kuni, men futbolni tark etaman. To‘g‘risini aytadigan bo‘lsam, yelkamdagi ikkita operasiya va oyog‘imdagi ikkita operasiyadan keyin men futboldan ketishni juda ko‘p o‘ylaganman”, – dedi Perin Luka Toni bilan instagramdagi suhbatida.
