«Lasio» prezidenti Klaudio Lotito Italiya A seriyasining yakunlashning zaxira variantini taklif qildi.

Funksioner "Yuventus" bilan bo‘ladigan faqat bitta o‘yinda Skudettoni aniqlash variantini taklif qildi.

"Ha, men shunday taklifni berdim. Lekin bu savolni o‘z oldimga vazifa qilib qo‘ymadim. Mavsumning qayta boshlanishi bizni noqulay vaziyatga tushiradi. Biz 3ta frontda kurash olib bora olmaymiz.

Biz Yevropa ligasini qurbon qildik. Chunki u biz uchun taqvim va transfer nuqtai nazaridan noqulay musobaqa. Biz haftada bir marta o‘ynasak, boshqalar ikki marta o‘ynaydi. Endi esa mavsum qayta boshlansa, boshqalar kabi haftada 2 marta o‘ynaymiz. Bu ustunlik yo‘qqa chiqdi. Ammo barcha 20ta jamoa manfaatini inobatga olish kerak.

Biz "Yuventus"dan bir ochko ortda qolyapmiz. Ammo birinchi davrada ularni 3:1 hisobida mag‘lub etdik. Shuningdek, xuddi shunday hisobda Superkubokda g‘alaba qozondik. Oldinda bizni yana bitta o‘yin kutib turibdi. Adolat nuqtai nazaridan aytadigan bo‘lsak, 8 ochko ortda qolayotgan "Inter" yoki 14 ochko ortda qolayotgan "Atalanta" sovringa da’vogar hisoblanadimi?", – dedi "Lasio" prezidenti.