Argentina futbol assosiasiyasi (AFA) milliy chempionat o‘yinlarini muddatdan oldin yakunlaydi. Bu haqda assosiasiyasi prezidenti Klaudio Tapia El Universo portaliga bayon qildi.
"Musobaqani yakunlashga tayyorgarlik ko‘ryapmiz. So‘nggi qaror seshanba kuni bo‘lib o‘tadigan yig‘ilishda qabul qilinadi", - dedi Tapia.
Shuningdek, AFA rahbariyati mavsum oxirida ligalar orasida jamoalar almashinuvi bo‘lmasligini ta’kidlab o‘tdi. "Oliy ligaga yo‘llanma olish masalasi maydonda hal bo‘lishi kerak. Agar koronavirus pandemiyasi xavfini minimallashtiriliga kafolat berilsa, u holda biz yana o‘ynashimiz mumkin, ammo, insonlar salomatligi barcha narsadan ustun turadi", - dedi Tapia.
Ayni paytda "Boka Xuniors", 23 uchrashuvda 48 ochko jamg‘arib turnir jadvalini boshqarib bormoqda. Ikkinchi o‘rinda esa "River Pleyt" 47 ochko bilan ketmoqda, "Veles Sarsfild" klubi esa 39 ochko bilan uchinchi o‘rinni band etib turibdi.
