Аргентина футбол ассоциацияси (AFA) миллий чемпионат ўйинларини муддатдан олдин якунлайди. Бу ҳақда ассоциацияси президенти Клаудио Тапиа El Universo порталига баён қилди.
"Мусобақани якунлашга тайёргарлик кўряпмиз. Сўнгги қарор сешанба куни бўлиб ўтадиган йиғилишда қабул қилинади", - деди Тапиа.
Шунингдек, AFA раҳбарияти мавсум охирида лигалар орасида жамоалар алмашинуви бўлмаслигини таъкидлаб ўтди. "Олий лигага йўлланма олиш масаласи майдонда ҳал бўлиши керак. Агар коронавирус пандемияси хавфини минималлаштирилига кафолат берилса, у ҳолда биз яна ўйнашимиз мумкин, аммо, инсонлар саломатлиги барча нарсадан устун туради", - деди Тапиа.
Айни пайтда "Бока Хуниорс", 23 учрашувда 48 очко жамғариб турнир жадвалини бошқариб бормоқда. Иккинчи ўринда эса "Ривер Плейт" 47 очко билан кетмоқда, "Велес Сарсфилд" клуби эса 39 очко билан учинчи ўринни банд этиб турибди.
