Angliyaning «Manchester Yunayted» klubi sobiq himoyachisi Mikael Silvestr Braziliya terma jamoasi sobiq hujumchisi Ronaldo bilan «Yuventus» klubi hujumchisi Krishtianu Ronalduni taqqosladi.
- Ronaldoni to‘xtatib bo‘lmasdi. Uni «fenomen» deb nomlashardi. Men Messiga qarshi o‘ynaganman, Krishtianu bilan «Manchester Yunayted»da birga to‘p surganman, biroq, Ronaldo — tezliq jihatdan umuman boshqacha edi. Ularning barchasi yuqori darajali futbolchilar. Krishtianuning juda ko‘p muddat mobaynida foydalangan uchta yoki to‘rtta fintlari bor edi, ammo, Ronaldoga kelsak, u doim boshqacha edi. U barcha fintlarini to‘pni egallab olishi bilanoq ixtiro qilardi, uni chapga ham, o‘ngga ham yo‘naltira olmaysiz, chunki, u qanday holatda turgan bo‘lishiga qaramasdan, raqib himoyachilarining taqibidan oson halos bo‘lardi. U istalgan pozisiyada gol urishi mumkin edi. U ba’zi vaziyatlarda bitta oyog‘ida o‘ynardi va baribir Yevropaning deyarli barcha kuchli himoyachilarini ortda qoldirardi, — Silvestrning so‘zlaridan iqtibos keltirmoqda Goal portali.
