Англиянинг «Манчестер Юнайтед» клуби собиқ ҳимоячиси Микаэль Сильвестр Бразилия терма жамоаси собиқ ҳужумчиси Роналдо билан «Ювентус» клуби ҳужумчиси Криштиану Роналдуни таққослади.

- Роналдони тўхтатиб бўлмасди. Уни «феномен» деб номлашарди. Мен Мессига қарши ўйнаганман, Криштиану билан «Манчестер Юнайтед»да бирга тўп сурганман, бироқ, Роналдо — тезлиқ жиҳатдан умуман бошқача эди. Уларнинг барчаси юқори даражали футболчилар. Криштианунинг жуда кўп муддат мобайнида фойдаланган учта ёки тўртта финтлари бор эди, аммо, Роналдога келсак, у доим бошқача эди. У барча финтларини тўпни эгаллаб олиши биланоқ ихтиро қиларди, уни чапга ҳам, ўнгга ҳам йўналтира олмайсиз, чунки, у қандай ҳолатда турган бўлишига қарамасдан, рақиб ҳимоячиларининг тақибидан осон ҳалос бўларди. У исталган позицияда гол уриши мумкин эди. У баъзи вазиятларда битта оёғида ўйнарди ва барибир Европанинг деярли барча кучли ҳимоячиларини ортда қолдирарди, — Сильвестрнинг сўзларидан иқтибос келтирмоқда Goal портали.